Laudioko eraso matxista salatzeko, lapikoak eta sormena kalera
Izar Mendiguren Cosgaya
2020ko api. 5a, 21:08
Aiaraldeko Mugimendu Feministak "kazerolada" egin du eskualdean, atzo Laudion jazotako eraso matxista salatzeko. Horrez gain, emakume erasotuei babesa adierazteko etxeak morez eta aldarrikapenez josi dituzte.
Emakume bat erasotua izan zen atzo Laudion. Genero indarkeria egotzita atxilotu zuten gizonezkoa. Hori dela eta, erasotuari babesa adierazteko etxeen kanpoaldeak erabili dituzte aldarrikapenak jartzeko, Mugimendu Feministak egindako deialdiari jarraiki.
Facebook kontuan argitaratu dituzte jasotako argazkiak. "Astin ditzagun irudimena eta atera ditzagun balkoi eta leihoetara eraso matxisten aurrean gure babes eta autodefentsa feministako indar guztiak! Erasotzaile, etxean edo kalean, gaur eta beti, aurrean izango gaituzu! Erasorik ez erantzunik gabe!", adierazi dute.
21:00etan izan da "kazerolada", eskualdeko herri guztietan: "Bizitzen ari garen egoera latz honetan ere ez dugu onartuko inolako erasorik, aski da! Erasoen aurrean, autodefentsa feminista!".
Laudioko Udalak, bere aldetik, erasoa gaitzetsi eta bihar balkoiak apaintzera deitu ditu herritarrak, ohar baten bidez.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.