Koronabirus kasu berri bakarra diagnostikatu zuten azteazkean Aiaraldean

Aitor Aspuru Saez 2020ko apirilaren 9a
Deskargatu Info Ahotsak :

Laudioko anbulatorioan oraindik ez dituzte test azkarrak baliatzen. / Aiaraldea.eus

Nahiz eta EAEn test kopurua hazi berriro, positibo berri bakarra identifikatu zuen Osakidetzak atzo eskualdean, Amurrion hain zuzen.

Asteazkeneko datuekin datu historiko berria ezarri du Osakidetzak. Izan ere, eguneroko egoeraren berri emateko txostenak argitaratzen hasi zenetik, osasun sistema publikoak inoiz ez du kasu gutxiago erregistratu.

Atzo positibo berri bakarra topatu zuten Amurrion eta, ondorioz, 198 dira guztira, Amurrion 62. Hori bai, gainerako herriek astearteko datuei eutsi diete: 79 Laudion, 19 Urduñan, 14 Aiaran, 11 Orozkon, 8 Artziniegan eta 5 Okondon.

Aintzat hartu beharra dago Osakidetzat test gehiago egin dituela azken egunetan Covid-19 kutsatuak identifikatzeko. Atzo 1.780 proba izan ziren, asteartean baino gehiago.

Hala ere, Aiaraldean asteartean 8 positibo berri topatu zituzten eta atzo bakarra. Amurrioko eta Laudioko anbulatorioek, dena den, adierazi dute ez direla hasi oraindik test azkarrak erabiltzen.

EAEn 9.806 kutsatu daude momentuz. 5.182 Bizkaian, 2.868 Araban eta 1.756 Gipuzkoan, Osakidetzaren arabera. 689 herritarren heriotzak aitortu ditu osasun sistema publikoak.

 

Osasuna
Erlazionatuak
8 koronabirus positibo topatu zituzten atzo Aiaraldean, baina EAEn egindako test kopurua bikoiztu dute
8 koronabirus positibo topatu zituzten atzo Aiaraldean, baina EAEn egindako test kopurua bikoiztu dute

Aitor Aspuru Saez 2020 api 08 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide