Sei hilabeteko enplegua erregulatzeko aldi baterako espedientea ezarri nahi du Tubacexek. Hala jakinarazi zion zuzendaritzak Enpresa Komiteari asteazkenean izandako bileran.
Erregulazioa %60koa izango litzateke gehien jota. Hau da, gutxienez lanaldiaren %40 mantenduko lukete langileek. Espedienteak eragingo lioke ekoizpenaz arduratzen den langilegoaren gehiengoari. Erretiratu partzialak, aldiz, neurri horretatik kanpo geratuko lirateke.
Zuzendaritzaren proposamenak aurrera egingo balu, astez aste moldatuko lukete langileen lan jarduna, eta "aurreikusi gabeko beharrak" egotekotan 24 ordu lehenago abisatuko lituzkete beharginak.
Soldatari dagokionez, langileek euren ohiko lansariaren %70a jasoko lukete gutxienez.
Langileen ordezkariek uste dute proposamena negoziatzeko tartea izango dutela, bilera gehiago baitituzte deituta zuzendaritzarekin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
