Osakidetzak, momentuz, ez du jakinaraziko zein den pandemiaren bilakaera herriz herri. Hala azaldu dio Esko Jaurlaritzako prentsa zerbitzuak Aiaraldea hedabideari. Erakundeak adierazi du positibo kopurua jaitsi dela eta, ondorioz, ikertzen ari direla nola landuko duten daukaten informazioa.
Alarma egoera hasi zenetik, Aiaraldeak eskualdeko gaixoen datuen jarraipena egin du egunero, Osakidetzak sareratzen zuen txostena baliatuta. Gaur, ordea, txostenak ez du herrikako kutsatuen kopururik argitu eta litekeena da horrela jarraitzea. Berez, bihar azalduko du Eusko Jaurlaritzak hemendik aurrera zein informazio eta nola zabalduko duen.
Eusko Jaurlaritzako prentsa zerbitzuak argitu du datu horiek eskuratzeko modu bakarra txostena dela eta, momentuz, ez dutela horren berri emango Jaurlaritzak ez badu bihar kontrakoa erabakitzen.
Edonola ere, Osakidetzak jarraitzen du Covid-19ari buruzko txostena sareratzen, baina jasotzen dituen datuak orokorrak dira. Esaterako, atzo 157 kasu positibo gehiago diagnostikatu zituen eta 12 herritar gehiago zendu ziren.
