COVID-19 positibo berri bat egon zen atzo Orozkon. Azken egunetako bosgarrena izan da, hilaren 21ean (osteguna) eta 22an (ostirala) bi eta bat kutsatu, hurrenez hurren, detektatu baitziren Laudion.19an, asteartea, berriz, Urduñan topatu zen koronabirus kasu berri bat. Azken zazpi egunetan ez da Aiaraldeko beste herrietan inolako positiborik kontabilizatu.
Horrenbestez, 381 kutsatu detektatu dira dagoeneko eskualde osoan krisia hasi zenetik: 139 Laudion, 109 Amurrion, 62 Aiaran, 30 Urduñan, 23 Orozkon, 11 Artziniegan eta 7 Okondon. Beste herrietan ez da momentuz positiborik izan, Osakidetzako datuen arabera.
Euskal Autonomi Erkidegoari dagokionez, PCR probaren bidez bi kasu berri antzeman ziren atzo, biak Bizkaian. Test azkarren bidez, beste lau detektatu ziren. Kontuan hartu beharra dago atzo 1.367 PCR proba eta 350 test azkar egin zirela atzo erkidego osoan. Guztira, 19.392 positibo egon dira momentura arte, zeinetatik 17.417 sendatuta dauden.
Probintziaka zenbatuta, 10.517 positibo egon dira orain arte Bizkaian, 4.853 Araban eta 3.153 Gipuzkoan.
Hildakoei erreparatuta, sei pertsona zendu ziren atzo EAEn eta 1.500 dira dagoeneko koronabirusagatik hildako herritarrak. Ospitaleratze berri bat egon zen ere, baina ZIUn 33 pertsona mantentzen dira, hereneguneko zifra berbera.
