Igandean amaituko da Udako Argazki Lehiaketara argazkiak bidaltzeko epea

Erredakzioa 2020ko irailaren 17a

Datorren igandean -irailak 20- amaituko da Aiaraldea Hedabidearen Udako Argazki Lehiaketan parte hartzeko epea. 65 lagun baino gehiagok bidali dituzte dagoeneko euren irudiak.

Hona igo daitezke zuzenean argazkiak, edo bestela aukera dago baita telefono (688848152) edo posta elektroniko bidez (erredakzioa@aiaraldea.eus) bidaltzeko.

Astelehenetik aurrera, bozketa fasea

Astelehenetik aurrera zabalduko da bozketa fasea, eta boto gehien jasotzen dituzten argazkiak sarituko dira. Irailaren 30 arte egongo da horretarako tartea.

Hala, "Mundua" kategoriako irudi bozkatuenaren egileak Arbizuko kanpinean egonaldia jasoko du. "Aiaraldea" kategoriako irudi onenak, berriz, gaua igaro eta gosariaz gozatzeko parada izango du Gorbeiako aterpetxean. Talde argazki bozkatuenaren egileek, aldiz, dastaketa menua izango dute Laudioko Kumeak jatetxean.

Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide