Epaileak arrazoia eman die Tubacexeko langileei, pandemiaren hasieran eginiko lanuzteen harira

Ekoizpena gelditu zuten langileek martxoan.

Ekoizpena gelditu zuten egunetako dirua eman beharko die zuzendaritzak beharginei, baina tartea izango du helegitea jartzeko.

Epaileak arrazoia eman die Tubacex enpresako langileei, pandemiaren lehen egunetan -martxoaren 17 eta 18an- egin zituzten lanuzteen harira. Enpresako zuzendaritzak egun horietako ordainsariak kendu zizkien nominetatik, baina epaileak neurri hori indargabetu du eta egun horietako dirua beharginei ematea agindu dio multinazionalari. Hala ere, Tubacexeko buruek helegitea jartzeko aukera dute oraindik. 

Langileek bi egunez egin zioten uko lan egiteari, COVID-19aren aurkako neurriak betetzen ari ez zirelako. Langile Batzordeak gogoratu du enpresak ez zituela birusaren aurkako protokoloak bete, eta langileeak derrigortu zituela segurtasun neurririk hartu gabe lan egitera: "Beste behin ere, agerian geratu da enpresak gure osasunarekiko duen interes eza", nabarmendu dute batzordeko kideek, eta eskerrak eman dizkiete beharginei, bi egun horietan burututako "gizartearekiko duintasun eta elkartasun ekintzagatik". 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide