EAJk eskualdea Urbiden txertatzeko duen asmoa kritikatu du Aiarako PPk, Joseba Elejaldek eginiko adierazpenen bidez: "EAJri Urbideren aferan gardentasuna eskatzen diogu, eta politizatzeari uzteko". PPren hitzetan, azpiegitura estrategiko bat ari dira erabiltzen jeltzaleak "politika gardena baina gutxi zehaztutakoa egiteko".
Aiarako PPk erantsi duenez, ulertezina da Aiarako Ur Patzuergoa likidatzea, Arabako Urbide Patzuergo berrira gehitzera derrigortzeko. Elejaldek gogora ekarri du, halaber, Artziniegako Udalak CAKU deuseztatzeko erabakia sei hilabetez atzeratzea eskatu zuela, "erabaki garrantzitsua" zelako, eta Urkidetza berriari bideragarritasun proiektua osatzeko eskatu dio. "Ulertzen dugu Araba osorako beharrezkoa dela erakunde bakarra izatea, baina hau gardena izan behar da, eta Kuadrilla guztietan onartutakoa", azpimarratu du PPko kideak.
Amurrioko Udalak iragan bilkuran onartu zuen Urbiden txertatzea, baina Artziniegan ez zuen aurrera egin proposamenak, EH Bilduk aurkakotasuna agertu baitu eskualdeko udalbatzetan.
Laudioko Omnia alderdi independienteak ere prentsa oharra atera du egitasmoarekiko kezkak plazaratzeko.