Aiala Vidriori eta Laudioko Udalari zigorrak ezarri dizkie URA agentziak azken hiru urteetan

Aimar Gutierrez Bidarte 2020ko abe. 24a, 09:44

Laudioko Udala bi aldiz zigortu du URA agentziak. / Aiaraldea.eus

Azken hiru urteetan Aiaraldeko ibaietan atzemandako isurketa ez-ohikoengatik 7 enpresa, udal eta erakunderi ireki die espedientea URA agentziak, eta hiru zigor ezarri ditu guztira.

2018tik URA agentziak eskualdeko zazpi enpresa, udal eta entitateei jakinarazpena luzatu die Aiaraldeko ibaietako uretan "isurketa anomaloak" detektatu ostean. Aiaraldeko datu zehatzik ez dagoen arren, Araban lau urteko epean 211 salaketa jaso ditu erreketara egindako isurketengatik erakundeak; eta Bizkaian, aldiz, 449.

Isurketa ez-ohiko horiek ikertu eta erantzuleak edo balizko arduradunak identifikatu, eta errekerimendua igortzen die URA agentziak. Aiaraldean, 2018an Laudioko Udalak, Aiala Vidriok, Aceralavak eta Aiarako Suhiltzaileek jaso zituzten errekerimenduak. 2019an eta 2020ko lehenengo bi lauhilekotan Aceralavak eta Laudioko Udalak ere jaso zituzten URAren jakinarazpenak isurketengatik, baita Tubacexek ere.

Abisuaren urtea Isurketa anomaloengatik abisu garrantzitsuak dituzten Aiaraldeako udal, enpresa edo entitateak Espediente zigortzailea URA Agentziaren zigorra
2018
Laudioko Udala
Aiala Vidrio
Aiarako Suhiltzaileak
Aceralava
Bai
Bai
Ez
Ez
Bai
Bai
Ez
Ez
2019
Laudioko Udala
Laudioko Udala
Aceralava
Bai
Bai
Bai
Bai
Ez
Bai
2020 (Urrira arte)
Laudioko Udala
Tubacex
Ez
Ez
Ez
Ez

URA Agentziaren zigorra

Detektatutako isurketa anomaloengatik irekitako espediente zigortzaileetatik hiruk isunetan amaitu dute. Aiala Vidrio enpresa laudioarrak 2018ko isurketa baten ondorioz izan zuen URA agentziaren zigorra.

Laudioko Udala, berriz, birritan jarri dute jopuntuan; 2018an eta 2019an. Gainera, hiru urteko epean lau jakinarazpen eta beste espediente zigortzaile bat ere pilatu ditu.

Isurketak Aiaraldean, ohiko praktika

Eskualdean baimendutako 290 isurketa puntu daude. URAk 2017tik hona gutxienez 14 espediente ireki ditu isurketa anomaloak medio.

2017ko PRTR erregistroko datuen arabera, Amurrio Ferrocarril y Equipos, Vidrala, Aceralava, Tubacex, Castinox, Jez, Nubiola eta Guardian enpresek substantzia kutsakorrak erreketara isuri zituzten urte hartan.

Gainera, azken urteetan milaka hildako arrain azaldu dira Nerbioiko uretan; 2019an, esaterako, 8.000 arrain baino gehiago hil ziren. 

Erlazionatuak

[ERREPORTAJEA] Nork egiten ditu isurketak?

Txabi Alvarado Bañares 2019 urr 03 Aiaraldea

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide