Koronabirus kasuen hazkundeak gora egiten jarraitzen du. Horrela adierazten dute Eusko Jaurlaritzako Osasun Sailak argitaratutako datuek. Atzoko egunean 1.046 kutsatu berri zenbatu zituzten EAEn egindako 13.774 PCR eta antigeno testetan.
Aiaraldean ere gora doa gaixotuen kopurua. 15 kasu berri detektatu zituzten atzo guztira: 6 Urduñan, 4 Laudion, 3 Orozkon, 1 Okondon eta beste bat Amurrion.
Egunez egun, hurrengoa da gaixotasunaren eboluzioa eskualdean:
- Urtarrilak 13: 6 positibo
- Urtarrilak 14: 9 positibo
- Urtarrilak 15: 11 positibo
- Urtarrilak 16: 17 positibo
- Urtarrilak 17: 10 positibo
- Urtarrilak 18: 8 positibo
- Urtarrilak 19: 15 positibo
Ondorioz, ratioei erreparatuta, ondorengoa da gaixotasunaren egoera eskualdeko herrietan:
| Udalerria | Ratioa | Aurreko eguneko ratioarekin alderatuta |
| Amurrio | 193,61 |
+9,68 |
| Artziniega | 994,24 | -313,98 |
| Aiara | 241,80 | (=) |
| Laudio | 147,13 | +21,8 |
| Okondo | 1068,20 | +82,17 |
| Arakaldo | 0,0 | (=) |
| Arrankudiaga-Zollo | 392,93 | -196.46 |
| Orozko | 228,05 | +114,03 |
| Urduña | 472,37 | +141,59 |
Eskualdeko datu orokorrak
COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:
- Laudio: 595
- Amurrio: 325
- Aiara: 138
- Urduña: 139
- Artziniega: 110
- Orozko: 70
- Okondo: 41
- Arrankudiaga-Zollo: 36
- Arakaldo: 2
- Aiaraldea: 1.451
Azken egunetako datuek kezka sortu dute eskualdean. Artziniegan, atzo koronabirus kasurik agertu ez arren, 26 positibo egon dira urtea hasi zenetik, eta Udalak oharra kaleratu du herritarrei arduraz jokatzeko eskatuz.