Autoglas, Guardian eta Tubos Reunidoseko langileek ekitaldi publikoetan egingo diote ekarpena Tubacexeko erresistentzia kutxari, bihar eta etzi

Hainbat aldiz batu dituzte euren indarrak Tubos Reunidos, Guardian eta Autoglas enpresetako beharginek greban. / Aiaraldea.eus

Autoglas eta Guardian enpresetako beharginek deialdia zabaldu dute biharko eta Tubos Reunidoseko langileek, aldiz, astearterako.

Erresistentzia kutxa sortu berri dute Tubacex enpresako langileek grebalarien beharrei aurre egiteko. Izan ere, orain arte hainbat ekimen abiatu dira eskualdean lanuztea babesteko.

Horietara batuko diren hurrengoak Guardian eta Autoglas zein Tubos Reunidoseko langileak izango dira. Hain zuzen, Guardian eta Autoglaseko beharginek bildutako dirua emango diote erresistentzia kutxari bihar 11:30ean Laudioko lantegiaren atean.

Tubos Reunidosekoek, aldiz, jasotako 5.625 euroak emango dituzte toki berean asteartean, 11:00etan. Ekitaldia "tutuekoizleen senidetzea" izendatu dute, eta deialdi publikoa zabaldu dute, nahi duenak batzeko aukera izan dezan. Horretarako, hitzordua Laudioko Eroskiko aparkalekuan jarri dute, 10:45ean.

Aste honetan bertan legeztatu dute erresistentzia kutxa Tubacexeko langileek eta horren helburuak eta funtzionamendua azaldu diote Aiaraldea Hedabideari.

Erlazionatuak

#TubacexBorrokan: Erresistentzia kutxa

Aiaraldea

Erresistentzia kutxa sortu dute Tubacex enpresako grebalariek eta IÑAKI UNZAGA eta ARKAITZ OLABARRIA egongo dira kudeatzaileen artean. Tresn...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide