Aste honetan egin du publiko Lehendakaritzak COVID-19ari lotutako azken dekretua. Horren arabera, gaurdanik 00:00etatik 06:00ak bitartean ezingo dira bizikideak ez diren lagunak elkartu parkeetan, lorategietan, hondartzetan, kirolguneetan, portuetan eta kostaldeko pasealekuetan. Neurri hori hartuta, jende pilaketak oztopatu nahi ditu Eusko Jaurlaritzak gune horietan.
LABIren aholkuak jarraiki hartu du neurria Iñigo Urkulluk eta oinarrizko eskubideei eragiten dienez (elkartzeko eta mugitzekoa, adibidez), adituek ez dute argi, berez, debekua edo aholkua den.
Edonola ere, jende pilaketak ekiditearen betebeharra udalen esku geratu da eta eskualdeko zenbait tokiko erakundek abisua zabaldu dute jadanik, Artziniegakoa, kasu:
Laudion aurrea hartu zioten Lehendakaritzari duela bi aste eta larunbat gauetan Lamuza Parkea ixteari ekin zion udalak.
Aiaraldean dekretuak eragina izango du parkeetan, lorategietan eta kirolguneetan. CD Laudiok Aiaraldea Komunikabideari adierazi dionez, Ellakuriko kirolguneetan jendea elkartzen da eta instalazioak zikin uzten ditu.
