Tubacex enpresako langileen greba luzean eskualdetik kanpoko zenbait bidelagun egon ziren; Petronor, Bilboko Argiak edota ITP Aero PCBko beharginak. Hain zuzen, azken enpresa horren zuzendaritzak hartutako erabakiek aurreratu zuten Tubacexekoak egin behar zuena, eta eskarmentu hori baliatu zuten grebalariek.
Zorionak!
— No Soy JD (@hartoDeJD) February 23, 2022
Esaterako, Euskal Autonomia Erkidegoko Auzitegi Nagusiak Laudioko eta Amurrioko kaleratzeak nulutzat jo zituenean, Tubacexeko zuzendariek, ITPkoen hautua kopiatu eta ez zieten langileei fabriketara berriro sartzen utzi.
Aupa! Zorionak @ITP_PCB_enLucha!!!!
— Artiach Borrokan (@ArtiachBorrokan) February 23, 2022
Horregatik guztiagatik, nahiz eta Tubacexeko zuzendaritzak eta sindikatu gehienek akordioa sinatu, eta ondorioz, Espainiako Auzitegi Goreneko helegitea bertan behera utzi, jakin-mina zegoen epaitegi horren erabakiari buruz. Ezustean, atzo jakinarazi zuten ITP Aero PCBko 83 kaleratzeak nuluak zirela; eta, ondorioz, behargin guzti horiei itzuli behar zaie euren lanpostua.
ZORIONAK ITP-PCB!!
— LAB Tubacex-Acva. (@labtubacex) February 23, 2022
El Tribunal Supremo declara NULO el ERE de @ITP_PCB_enLucha.
Las 83 personas despedidas deberán volver a sus puestos.
Su lucha, de mas de 400 días, es un ejemplo para la clase trabajadora.
LA LUCHA SIRVE!!
GORA LANGILEON BORROKA!! pic.twitter.com/45vMSXJjPK
Albisteak harrera beroa izan du Aiaraldeko langile mobilizatuen artean, eta askok sare sozialetan adierazi dute euren poztasuna. Zoriontasuna agertu dutenen dago artean Edu Ibernia Tubacexeko enpresa batzordeko presidentea: "ITP enpresako langileengatik pozik egoteko modukoa da. Gainera, bazen garaia Espainiako Auzitegi Gorenak langileen aldeko epai bat egiteko".
Aurrekariak ez ziren baikorrak
Zentzu horretan, Ibernia zuhurra izan da: "Gogoratu beharra dago ITPko kaleratzeak baliogabetu baino lehen, Auzitegi Gorenak Alestis Aerospace eta Gestamp enpresetako enplegua erregulatzeko espedienteak ontzat eman zituela. Hortaz, ezin dugu ziurtatu Tubacexeko kasua euren eskuetara helduz gero, nulua ere ebatziko zutenik".
Zorionak!!!! Asko posten gara!!!
— @lab_tri (@labtri_) February 23, 2022
BORROKA DA BIDE BAKARRA!!!
Dena den, Iberniak argitu du momentuz epaia ez dela zabaldu, eta ezin dutela erabakiaren nondik norakoak modu sakonean baloratu. Halaber, ITPko garaipena goraipatuta, ELAko kideak berretsi egin du Tubacexen egindako greba luzea: "Apustu egin genuen kaleratuen alboan egoteko eta guztiak lanera itzultzea lortu dugu. Gure helburuetako bat zen Auzitegi Gorenera ez heltzea, jakinda epaile gehienak kontserbadoreak direla".