Boluntarioen bila ari da Amurrioko Babes Zibila

Txabi Alvarado Bañares 2022ko apirilaren 12a
Deskargatu Info Ahotsak :

Amurrioko Babes Zibileko kideak, artxibo irudi batean. / Amurrioko Babes Zibila

Ekitaldien antolakuntzan sostengua ematea eta pertsonen bilaketa eta erreskatean laguntzea dira taldearen egiteko nagusiak.

Boluntario berriak lortzeko kanpaina abiatu dute Amurrioko Babes Zibileko kideek. Baldintza bakarra bete behar da boluntarioa izateko: adinez nagusia izatea. 

Taldearekin harremanetan jartzeko bi modu dituzte interesdunek: 620 504 545 telefonora deitzea edo pcivil@amurrio.eus posta elektronikora mezua bidaltzea. 

Azaldu dutenez, bi lan-lerro nagusi ditu babes zibilak. Alde batetik, jaietan eta bestelako ekintzetan (mendi lasterketa eta martxetan, adibidez) aritzen dira laguntzaile gisa. Bestetik, laguntza eskaintzen dute desagertutako pertsonen bilaketan edota erreskateetan. 

28 urte baino gehiago igaro dira Amurrioko Babes Zibila sortu zenetik, eta aitortza ugari jaso ditu ordutik hona. Udalak omenaldia egin zien boluntarioei 2018an, taldearen 25. urteurrenaren testuinguruan. Hurrengo urtean, aldiz, Bereizgarri Gorria jaso zuten, Eusko Jaurlaritzaren eskutik. 

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide