Lan heriotzak “ez normalizatzeko” ekitaldia, gaur arratsaldean Amurrion

Txabi Alvarado Bañares 2022ko api. 27a, 10:19

Gaur arratsaldean egingo dute ekitaldia Amurrion. / Aiaraldea.eus

18:30ean izango da zita Juan Urrutia plazako kioskoaren alboan.

Laneko segurtasun eta osasunaren nazioarteko eguna izango da bihar. Hori dela eta, ekitaldia egingo du Aiaraldeko Greba Batzordeak gaur arratsaldean Amurrion. 18:30ean jarri dute zita, Juan Urrutia plazan dagoen kioskoaren alboan.

Eskualdean azken urteetan egondako lan heriotzak gogora ekarriko dituzte bertan. “Aiaraldeko 9 langilek galdu dute bizia lanean ari zirela azken bi urteetan. Urtea hasi zenetik 21 langile hil dira Hego Euskal Herrian, 1.051 2007tik hona”, gogorarazi dute. Aldarrikatu dutenez, horiek ez da “zifra hutsak”: “Familia eta bizi proiektu osoak errotik suntsitzen ditu prekarietateak”.

Gauzak hala, egoera hori ez normalizatzeko deia luzatu dute, eta horretara bideratu nahi dute gaur arratsaldeko ekitaldia.

29 heriotza Aiaraldean

2007tik hona 29 langile hil dira Aiaraldean lan istripuen ondorioz. 2020a urte bereziki latza izan zen eskualdean, 7 langile zendu baitziren. Aurtengo lehen lan heriotza, aldiz, larunbat honetan jazo zen: Artiacheko behargin bat auto istripuan hil zen gaueko txandatik etxera itzultzen ari zela.

Ekonomia

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide