Eskualdeko herritar ugarik parte hartu zuten asteburuan Gure Eskuk deitutako 'Pirinioetako bidea' ekimenean. Adi tontorra egokitu zitzaien aiaraldearrei, eta 100 lagun inguru bertaratu ziren Euskal Herria eta Herrialde Katalanak nazioatasunaren alde argiztatzeko ekimenera.
'Pirinioetako bidea' ekimena egin zuen Gure Eskuk uztailaren 2an, naziotasuna erabakitzeko eskubidearen alde, Euskal Pirineoetatik Herrialde Katalanetarainoko bidea argituta. Adi mendia egokitu zitzaien aiaraldearrei, eta 100 lagun inguruk hartu zuten parte ekitaldian. Guztira, baina, 300 mendi elkartu zituzten argi fokuekin 'Pirinioetako bidean', horietatik 91 gailur eta 63 gune Euskal Herrian. Modu horretan osatu zuten euskaldunek eta katalanek argi lerro amaigabea Atlantikotik Mediterraneora eta Higer lurmuturretik Creusera. Autobusez zein ibilgailu propioetan bertaratu ziren aiaraldearrak Adiren magalera, eta elkarrekin osatu zuten bidea. Tontorrean, ekitaldi laburra egin zuten, gailurrak argiztatzeko erronka beteta.
Adikoa ez zen izan, ordea, eskualdeko herritarrek eginiko ekimen bakarra. Izan ere, Amurrion, Guk eskulturaren inguruan elkartu ziren egitasmoari babesa adierazteko, eta Orozkon Oderiaga eta Kurtzegain bitartean egin zuten deialdia, lainoagatik bertan behera utzi behar izan bazuten ere.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide