AZKEN DATUAK

20 kasu berrirekin, beherazko joera hartu du berriz COVID-19ak Aiaraldean

Txabi Alvarado Bañares 2022ko irailaren 5a
Deskargatu Info Ahotsak :

Laudion erregistatu dira kasuen erdia. / Aiaraldea.eus

Intzidentzia metatuaren tasek behera egin dute Laudio, Orozko eta Urduñan; eta igo egin dira, aldiz, Aiara, Amurrio eta Arrankudiaga-Zollon. 

Beheranzko joerari heldu dio berriz COVID-19aren bilakaerak Aiaraldean, Osakidetzak gaur plazaratutako txosten epidemiologikoaren arabera. Osasun sistema publikoak 20 kasu berri erregistratu ditu azken astean: 10 Laudion, 6 Amurrion, 2 Orozkon eta bana Aiara eta Arrankudiaga-Zollon. Duela astebete, aldiz, 37 kasu detektatu ziren eskualdean.

Hala ere, intzidentzia metatuaren tasaren bilakaera gorabeheratsuagoa izan da. Ratioek behera egin dute Laudio, Orozko eta Urduñan; eta igo egin dira, aldiz, Aiara, Amurrio eta Arrankudiaga-Zollon. 

EAEn 838 kasu erregitsratu dira guztira azken 7 egunetan. 8 pertsona hil dira birusaren ondorioz eta 97 pertsona daude ospitaleratuta, 5 Zaintza Intentsiboetarako Unitatean. 

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide