AZKEN DATUAK

Koronabirusaren 12 positibo baino ez dira agertu azken astean Aiaraldean, urteko kopururik txikiena

Laudion agertu dira, berriro, positibo berri gehienak. / Aiaraldea.eus

Osakidetzak ez du urte osoan kasu gutxiago detektatu eta aurreko bi asteetako beheranzko joerak aurrera jarraitzen du eskualdean.

Osakidetzak pasa den asteko txosten epidemiologikoa plazaratu du gaur eta datuek aurreko bi asteetan agertutako joera positiboa berretsi dute. Hain zuzen, irailaren 12tik 18ra bitartean Aiaraldean 12 positibo baino ez ditu detektatu osasun sistema publikoak. Hau da, urte osoan jaso den daturik onena. Kutsatu gehienak Laudion agertu dira, baina egon dira beste batzuk Amurrion, Aiaran eta Orozkon.

Joerak isla dauka herriz herrikako intzidentzia metatuaren tasan. Izan ere, udalerri guztiek, salbu Orozkok, utzi diote eremu gorrian egoteari eta Artziniega, Okondo, Arakaldo eta Urduña hutsean daude atal horretan.

Datu horiek guztiek esan nahi dute herri guztiek mantendu dituztela euren datuak, okerrera egin gabe (Aiara, Artziniega, Okondo, Arakaldo, Orozko eta Urduña), edo hobetuta (Amurrio, Laudio, Arrankudiaga-Zollo).

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide