Arkaitz Eskuza pilotari laudioarrak ostiralean jokatuko du bere lehen partida profesionala. Hori dela eta, Herriaren Pilota Elkartean erabilitako kamiseta zozkatuko du Aiaraldea Komunikabideak, kirolari gazteak berak sinatuta.
Arkaitz Eskuza pilotariak kategoria profesionalean egingo du debuta urtarrilaren 6an Eibarren. Elitean bere lehenengo urratsak ikusteko, Laudioko Udalak hara joateko autobusa antolatu du, partidak interesa sortu baitu tokiko zaleen artean. Izan ere, bera eta Iker Larrazabal dira pilotari profesional arabar bakarrak egun.
Kirol ez profesionalaren esparrua atzean utzita, Arkaitz Eskuzak oparia egin dio Aiaraldea Komunikabideari, zozkatu dezan: Herriaren Pilota Elkartean erabilitako kamiseta, laudioarrak berak sinatuta, alegia.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
