ASPE kirol enpresak gaur jakinarazi du eskualdean ezaguna zena, hau da, Arkaitz Eskuza atzelari laudioarra jokalari profesionala izango dela eurekin. Berez, pasa den astetik Aiaraldea Komunikabideak hitzartuta dauka jokalariarekin zuzeneko elkarrizketa egitea abenduaren 26an.
Eskuzaren debuta urtarrilaren 6an izango da Eibarko Astelena pilotalekuan eta Elezkano II. izango da bere bikotea. Dario eta Bikuñarekin neurtuko dituzte indarrak.
Laudioarrak 18 urte baino ez ditu eta oso gaztea izan arren, Jokin Etxaniz ASPEko zuzendari teknikoaren begiradapean entrenatu du.
Eskuzak hainbat txapela eskuratu du bere ibilbidean; Ataungo Eskupilota Txapelketa uztailean, Euskal Kopa, Baque Txapelketa kadete kategorian 2019an eta Arabako Txapelketa 2020an.
Herriaren Pilotazale Elkartean trebatua, Eskuza ez da izango maila profesionalean arituko den pilotari bakarra. Izan ere, Iker Larrazabal aurrelariak ere elitean jokatzen du. Hain zuzen, asteburuan Aretako frontoian egin zuen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
