ZOZKETA

Iker Larrazabalen partida ikusteko sarrera bikoitza zozkatuko du Aiaraldea Komunikabideak

Erredakzioa 2023ko otsailaren 15a
Deskargatu Info Ahotsak :

Profesional mailan jokatuko duen partida berria ikusteko aukera emango dute Aiaraldeak eta Baikok./ Aiaraldea

Igandean jokatuko du pilotari amurrioarrak Binakako Txapelketa profesionalean Bilboko Bizkaia Frontoian eta Baiko enpresak sarrera bikoitza zozkatuko du Aiaraldea Komunikabidearen bidez.

Iker Larrazabal kategoria profesionalean arituko da berriro Jon Ander Albisu atzelariarekin batera, Elordik eta Zabaletak osatzen duten bikotearen kontra.

Hitzordua igandean izango da 17:00etan eta Bilboko Bizkaia Frontoian neurtuko dituzte indarrak, Promoziozko Txapelketako norgehiagokaren ondoren.

Horrela, amurrioarrak berriro ordeztuko du Mikel Urrutikoetxea. Izan ere, Zaratamoko kirolariak mina hartu du eta ezin du jokatu. Pasa den astean, bere debutean txapelketa honetan, Larrazabalek eta Albisuk irabazi zuten, eta asteburu honetan espero dute lana ondo egitea eta errepikatzea.

Partida ikusteko interesa dutenek, aukera izango dute sarrera bikoitza eskuratzeko Aiaraldea Komunikabidearen eskutik. Izan ere, Baiko enpresak sarrera bikoitza laga dio zozkatzeko, eta horri ekingo dio ostiralean 13:00etan. Izena emateko epea irekirik dago hemen.

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide