Laudioko nagusien egoitza zaharra, Oxinburu eta Artziniegako Kultura Etxea berritzeko 2 milioi euro helduko dira Europatik

Erredakzioa 2023ko api. 19a, 16:45

Laudioko nagusien egoitza ohia. / Aiaraldea.eus

Europar Batasuneko eraikin publikoen birgaitea sustatzeko programak 2.159.125‬ euro utziko ditu Aiaraldean.

2.159.125‬ euro utziko ditu Aiaraldean Europar Batasuneko eraikin publikoen birgaitea sustatzeko programak. Zehazki, Laudiora, Arrankudiaga-Zollora eta Artziniegara helduko da dirua. Laguntza lerroa Garraio, Mugikortasun eta Hiri Agendako Ministerioak bideratuko du eta eraginkortasun energetikoa hartzen du aintzat. 2026ko martxoaren 31rako bukatu beharko dituzte lanak udalek, beranduenez.

Laudioko nagusien egoitzako obrek 2,2 milioi euro balioko zutela aurreikusi zuten 2018an, baina litekeena da prezioa aldatzea proiektua eguneratzean. Arabako Foru Aldundiak 600.000 euroko ekarpena adostu zuen, Obren Foru Planaren barruan, baina Laudioko Udala saiatuko da finantzazio gehiago eskuratzen. Europatik 1.134.088,79 euroko ekarpena izango du.

Arrankudiaga-Zolloko Oxinburu eraikinak erabilera sozialak eta kulturalak hartuko ditu. 1.317.859,59 euroren truke abiatu zituzten lanak eta laster amaituko dituzte. Txutxi Ariznabarreta alkateak azaldu zion Aiaraldea Komunikabideari obrak ordainduta daudela, hortaz, jasoko dituzten 673.329,14 euroek eragin positiboa izango dute udal aurrekontuetan.

Azkenik, Artziniegako Kultura Etxeko birgaitzeak 351.708,16 euroko laguntza izango du. Lizitazioa atera zuen Udalak martxoan, 1.563.332 euroko aurrekontuarekin (BEZ barne).

Ekonomia

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide