Greba Feminista Orokorrak aurrera jarraitzen du, eta zaintza lanak erdigunera ekartzeko mobilizazioak egin dituzte eguerdian Amurrion, Laudion eta Urduñan. Ehunka herritar elkartu dira manifestazioetan, eguraldi euritsuari aurre eginez.
Greba egiteko eskubidea ez duten edota zerbitzu minimo izatera behartuak dauden zaintza sektoreko langileak izan dituzte gogoan mobilizazioetan. Hori dela eta, hainbat erresidentzia eta etxebizitzetara hurbildu dira bertako langileei babesa adieraztera. Hauek txaloka jaso dituzte manifestariak, besoko laranja soinean zutela.
Eguneko mobilizazio nagusia Laudion egingo dute, ordea, 18:00etan Herriko plazatik abiatuta. Eskualdeko bizilagun guztiei luzatu diete bertaratzeko deia.
Aiaraldea Komunikabidea Greba Feminista Orokorreko zuzeneko jarraipena egiten ari da, hemen jarraitu daiteke.
Argazkiak: Naia Vallejo Torres, Aimar Gutierrez Bidarte eta Txabi Alvarado Bañares
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide