Bertan behera utzi ditu ADIFek abenduaren 6tik 10era bitartean egin behar zituen lanak Urduña eta Amurrio artean

Aitor Aspuru Saez 2023ko abe. 5a, 14:08
Deskargatu Info Ahotsak :

Uda baino lehen hasi ziren lanak Urduña eta Amurrio arteko trenbidean. / Aiaraldea.eus

Azpiegituretan obrak egingo behar zituzten eta bidaiariei beste garraio bat eskaini, baina bertan behera utzi dituzte obrak.

Abenduaren 6tik 10era bitartean Renfe enpresa publikoaren zerbitzuak aldaketa nabarmena izango zuen C-3 linean. Izan ere, lanak egin behar zituen Urduña eta Amurrio arteko ibilbidean. Azkenean, ordea, bertan behera geratu dira obrak eta, ondorioz, bidaiariek ez dute autobusa erabili beharko.

Berez, Renfek atzo eman zuen lanen berri, baina ADIFeko Urduñako langile batek adierazi dio Aiaraldea Komunikabideari ez dituztela obrak egikarituko. Langileak ziurtatu du enpresan jakinarazi dietela hurrengo egunetan ez dutela lanik egingo eta obrak, aurreikusita egon arren, ez direla gauzatuko.

Halaber, aipatu du aukera bat dela ADIFek ezer ez komunikatu izana Renferi.

Saratxoko zubian egiten ari diren lanek aldaketa eta eragozpen ugari eta zerbitu murrizketa anitzak sortu dituzte jadanik. 

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide