Atzo zuhaitz batek anabasa eragin zuen C3 linean eta gaur burdinbidetik atera den makina bat izan da horren sorburua. Izan ere, Urduña eta Amurrio artean lanean dauden makinetako batek istripua izan du eta burdinbidetik kendu behar dute.
Lan hori egikaritzeko, ordea, beste makina batzuk eraman behar dituzte eta, hori dela eta, Iñarratxu eta Uruña artean tren zerbitzua eten da. Geltoki horietako bidaiariak autobusez eraman dituzte goizez Amurrioraino eta horrek ohikoan baino atzerapen gehiago ekarri ditu. ADIFeko iturri baten arabera, arazoak hainbat orduz luzatu daitezke.
Atzo eta gaurko egoerak arruntak bilakatu dira C3 linean eta Saratxon obrak abiatu zituztenetik atzerapenak egunero gertatzen dira. Horrez gain, urduñarrak zenbait tren zerbitzu gabe geratu dira.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
