Korrikaren jarraipen zabala, Aiaraldea Komunikabidearen eskutik

Erredakzioa 2024ko mar. 21a, 11:46
Deskargatu Info Ahotsak :

Argazki galeriak, herriz herrikako bideoak eta zuzeneko emisioa egingo ditu Aiaraldea Komunikabideak. / Aiaraldea.eus

Korrikari buruzko atari berezia atondu du komunikabideak Aiaraldea.eus webgunean, argazki zein bideo historikoen artxibo oparoarekin. Martxoaren 22an, aldiz, herriz herri arituko dira kazetariak ekimenaren jarraipena egiten, eta zuzeneko telebista saio berezia ere eskainiko dute.

Aiaraldea Komunikabidea ere motorrak berotzen hasi da Korrikari begira, eta jarraipena ez da paperezko formatura mugatu. Atari berezia atondu du komunikabideak Aiaraldea.eus webgunean.

Bertan, ohiko informazio grafikoaz gain (eskualdeko ibilbidea, kilometroak…) beste hainbat eduki ere topatu daitezke: iritzi zutabeen sortak edota argazki zein bideo historikoen artxibategia, besteak beste. 1982tik 2022ra bitartean euskararen aldeko ekimen ibiltariak eskualdean utzitako ehunka irudi ikusi eta deskargatu daitezke bertan. 

Jarraipen zabala

Martxoaren 22an, aldiz, Korrikak Aiaraldean barrena egingo duen ibilbidearen jarraipen zabala egingo du Aiaraldea Komunikabideak, hainbat bidetatik.

Kazetari zein boluntario ugari egongo dira herriz herri argazki eta bideoak egiten. Gainera, zuzeneko telebista saio berezia eskainiko du komunikabideak Laudioko kaleetatik, Dolumin Barikua izango dela baliatuta. 6:00etatik 13:30etara luzatuko da emisio hori, eta Aiaraldea.eus atarian zein sare sozialetan jarraitu ahalko da.

Euskara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide