AZKEN ORDUKOA

Dimisioa aurkeztu du Tubacexeko presidenteak

Txabi Alvarado Bañares 2024ko mar. 22a, 19:45
2021eko ekainetik zeraman Francisco Javier Garcia Sanzek kargua. Irudian, presidente izendatu zutenekoa. / Aiaraldea.eus

Multinazionaleko auditoria- eta betetze-batzordeko presidenteak ere utzi du bere kargua, eta konpainiak ez du zehaztu dimisioen zergatia. 

Francisco Javier Garcia Sanzek utzi egin dio Tubacexeko presidentea izateari. Hala jakinarazi du multinazionalak Balore Merkatuaren Espainiako Batzordera helarazitako prentsa ohar baten bidez, eta gaineratu du administrazio kontseiluak aho batez erabaki duela Manuel Moreu Munaiz hautatzea konpainiako buru berria izateko.

Tubacexeko presidenteordea izan da Moreu orain arte, eta esperientzia zabala du konpaniari eta bere estrategiari dagokionez. Horrez gain, energia sektorean aditua da, Iberdrolako kontseilaria baita, besteak beste. 

Francisco Javier Garcia Sanzena ez da izan dimisio bakarra. Multinazionaleko auditoria- eta betetze-batzordeko presidente Gracia Lopez Granadosek ere utzi du kargua, eta Jose Toribio Gonzalezek ordezkatuko du. 

Tubacexek ez du zehaztu dimisio horien zergatia. Francisco Javier Garcia Sanzek une delikatuan hartu zuen presidente kargua, 2021ko ekainean, Tubacexeko Aiaraldeko lantegiak greba mugagabean murgilduta zeudenean. Alvaro Videgaini hartu zion lekukoa, konpainiako buruzagi historikoari.

Ekonomia
Erlazionatuak
10,4 milioi euro jaso dituzte Tubacexeko kontseilari eta goi kargudunek 2023an, aurreko urteko kopuruaren bikoitza baino gehiago
10,4 milioi euro jaso dituzte Tubacexeko kontseilari eta goi kargudunek 2023an, aurreko urteko kopuruaren bikoitza baino gehiago

Txabi Alvarado Bañares mar 08 Aiaraldea

Nork agintzen du Tubacexen?
Nork agintzen du Tubacexen?

Txabi Alvarado Bañares 2021 mar 11 Aiaraldea

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide