Energia berriztagarrien Aiaraldeko komunitateei buruz hausnartzeari ekin diote

Erredakzioa 2024ko mai. 15a, 16:00
Deskargatu Info Ahotsak :

Larunbat goizean egin zuten lehen topaketa, Aiaraldea Ekintzen Faktoriak eta Goienerrek antolatuta. Eskualde osoko herritarrak bertaratu ziren ekimenera, profil ezberdinetakoak. 

'Energia berriztagarrien komunitateak Aiaraldean' topaketa egin zen iragan larunbat goizean, Aiaraldea Ekintzen Faktoriak eta Goienerrek antolatuta. Eskualde osoko herritarrak bertaratu ziren Faktoriara, Aiaraldean energiari lotuta garatu daitezkeen proiektu eta komunitateei buruz hausnartzeko. 

Bi hitzartzerekin hasi zuten saioa. Hasteko, Aiaraldeko Mendiak Bizirik plataformako kideek hartu zuten hitza, eskualdean hainbat enpresek ezarri nahi dituzten energia proiektu handiei buruz hitz egin eta, horren aurrean, bestelako eredu bat behar dela aldarrikatzeko. Jarraian, solasaldi laburra eskaini zuten Goienerreko kideek, euren funtzionamendua eta energia komunitateen ezaugarriak azaltzeko. 

Taldetan banatu ziren gero parte hartzaileak, entzundako guztiaz hausnartu eta eztabaidatzeko. Antolatzaileak pozik azaldu dira lehenbiziko topaketa honek izandako harrearekin eta bertatik ateratako ondorioekin, eta ziurtatu dute segida emango diotela ekimenari.  

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide