2.500 euroko isuna ezarri die Ertzaintzak sei aiaraldearri, iazko greba feminista orokorragatik

Txabi Alvarado Bañares 2024ko ira. 19a, 06:00
Deskargatu Info Ahotsak :

Tubacexeko piketean parte hartzeagatik jarri ditu Ertzaintzak isun gehienak. / Aiaraldea.eus

"Mozal legea" baliatuta jarri ditu poliziak isunak. Tubacexen eginiko piketegatik izan dira zigor gehienak. 

2.500 euroko isuna ezarri die Ertzaintzak Aiaraldeko bost bizilaguni, iazko greba feminista orokorrean eginiko zenbait ekintzengatik. 601 euroko isun bana jaso dute lau grebalarik, Tubacexen Laudioko lantegiaren aurrean eginiko piketeengatik. Bosgarren bizilagunak, aldiz, 100 euroko zigor ekonomikoa jaso du greba iragartzeko Urduñan eginiko agerraldiagatik, ekitaldi hori baimendutako tokian egin ez zela argudiatuta. 

Ernaiko militantea da Tubacexeko piketean isundutako gazteetako bat. Hain zuzen, gazte antolakunde horretako Aiaraldeko zazpi kide isundu dituzte azken hilabeteetan, hainbat ekimenengatik (grebakoa tartean).

Iazko azaroaren 30ean egin zen greba feminista orokorra Euskal Herrian, "Euskal zaintza sistema publiko-komunitarioa" aldarrikatzeko. Deialdiak jarraipen zabala izan zuen Aiaraldean:  

Isunak salatzeko deia

Aiaraldeko Greba Batzordeak eman du sei isunen berri, baina ohartarazi du gehiago iritsi daitezkeela. Gauzak hala, e-mail bat jarri dute herritarren eskura, isun gehiago iristen badira harremanetan jartzeko eskatuz: aiaraldekogrebabatzordea@gmail.com.

Politika

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide