Hasi da. Laudioko Tubacex fabrikaren aurrean elkartu dira gaur gauean dozenaka grebalari Euskal Herriko Mugimendu Feministak deituriko Greba Feminista Orokorraren lehenengo txinparta pìzteko.
Fardel eta gurpildun aulkiekin oztopatu dute sarrera nagusia, eta gaueko txandara sartu diren behargin apurrei grebaren nondik norakoak azaldu dizkiete, tentsio uneak izan dituen pikete informatiboan. Izan ere, Ertzaintzaren presentzia handia izan da Mugimendu Feministak eta Aiaraldeko Greba Batzordeak deituriko mobilizazioan. Hain zuzen ere, Ertzaintzak grebalariek eskutan zuten pankarta bortizki hartu duenean piztu da ika-mikarik handiena.
Piketeari amaiera emateko biharko borroka egunera batzeko deia luzatu dute grebaren deitzaileek. Goizetik iluntzera arte egitarau oparoa prestatu dute, herriz herri eta lantokiz lantoki "zaintza eskubide kolektiboa dela" aldarrikatzeko.
Hemen kontsultatu daitezke Aiaraldeko deialdi nagusiak.
Argazkiak: Aimar Gutierrez Bidarte
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide