Free Palestine izeneko kantua plazaratu du Radio Revolucion taldeak. Abenduan grabatu zuten kantua Mexikoko Tlanepantla estatuan kokatutako Studios Quirofano grabaketa estudioan.
Jurgi Ibarretxe eta Lander "Txato" Otaolak ozeanoa zeharkatu zuten abenduan, eta Mexikoko hainbat musikarirekin batu zituzten indarrak bi kontzertu eskaintzeko. Pozik daude emaitzarekin, ska jaialdi handi batean jotzeko aukera izan baitzuten, bertako hainbat talde entzutetsurekin batera. Baina ez ziren emanaldiak eskaintzera mugatu, aipatutako kantua grabatzeko tartea ere hartu baitzuten musikariek.
Ibilbide luzeko egitasmoa da Radio Revolucion. Jurgi Ibarretxek sortu zuen taldea Londresen bizitzen zegoenean, 2004. urtean. 2017. urtean berrosatu zuen proiektua, eskualdeko hainbat musikariz lagundurik, eta bi disko plazaratu dituzte ordutik hona, azkena Kuban grabatuta.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide