Korrika Aiaraldean zuzeneko saio berezia, hemen ikusgai

Erredakzioa 2026ko martxoaren 27a
Deskargatu Info Ahotsak :

Laudioko Herriko plazatik egingo dugu zuzeneko emisio berezia, eta aukera egongo da bertatik ere jarraitzeko, horretarako gune bat atonduko baitugu. 

Zazpi orduko emisio berezia egingo dugu Aiaraldea Komunikabidetik gaur gauean Laudioko Herriko plazatik, 22:00etatik 5:00etara, Korrikak Aiaraldean barrena egingo duen bidea zuzenean jarraitzeko.

Ez da erronka makala, baina konpainia ederrean egingo dugu. Alde batetik, Izaro, Maddi eta Ane fitxatu ditugu berriz, Korrikaren aurreko edizioan esatari aritu zirenak. Bestetik, Bazter Itxia podcastekoak ere batu dira gaueko planera.

Guztien artean saiatuko gara Korrikaren jarraipen maratonianoa burutzen. Eta zu ere gonbidatuta zaude noski. Aulki batzuk egongo dira emisioa jarraitzeko, eta baita bestelako sorpresaren bat ere (pasta batzuk, kafea...).

Euskara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide