Asteburua bero dator berriro eta eskualdeko herri txikiak bisitatzeko parada emango du. Izan ere, bihar abiatuko dituzte Larrinbe, Areta eta Llantenoko jaiak.
Aretakoak dira luzeenak eta bihar goizean bertan abiatuko dituzte, ekainaren amaieran jakinarazi zutenez. Urtero legez, egitarau zabala eta anitza eskainiko dute, kirola, gastronomia eta musika uztartuta, nagusiki.
Bihar ere Llantenoko eta Larrinbeko ospakizunak hasiko dituzte. Aiarako Administrazio Batzarrean jendetzak parte hartzea aurreikusi dute. Izan ere, 280 talo eta ogitarteko saldu dituzte jadanik. Berez, ekintzak honako hauek izango dira:
16:00 // Mus txapelketan izen ematea
16:30 // Mus txapelketa
17:00 // Puzgarriak, musika eta jolasak
18:00 // Pintxopote
20:30 // Talo afari herrikoia (8€)
22:15 // Bingo
23:00 // Gauargi erromeria
2:30 // Azken erronda txosnan
Larriben ere abiatuko dute egitaraua, baina emeki ekingo diote:
19:00 // Mus Txapelketa
19:30 // Aiara Dantza Taldea
21:00 // Parrillada eta Ugarte Otxotea
23:00 // Berriztu erromeria
Izan ere, larrinbetarrek egun osoko jarduerak prestatuko dituzte larunbatean:
11:45 // Kanpai errepika
12:00 // Meza
12:30-14:00 // Puzgarriak
13:00 // Paella txapelketa
13:00 // Izalde triki taldea
16:00-18:00 // Puzgarriak
18:00 // Apar festa
18:00 // Ikusgune informazio karpa
19:00 // Dj Xaibor
Llantenon, aldiz, goizeko eta gaueko txanpatan banatuko dituzte ospakizunak:
12:00 // Meza Done Jakueren ohorez
12:30 // Urteroko txorizo-jana
12:30 // Patata tortilla lehiaketa
14:00 // Sari banaketa
22:00 // Korterraza film laburren jaialdia
Agiñigako herriak ere bisitarientzat irekiko ditu ateak proposamen xumearekin, 13:00etan meza eta gero luntxa eskainiko baitute.
Horrez gain, aipatu beharra dago bestelako hitzorduak ere badaudela. Esaterako, Urmugako azken ekitaldiak Artomaña, Delika eta Urduña artean (kontzertu potenteekin), Kepa Junkerari egiten dioten omenaldia barne, edota Ivan Abasoloren aldeko jaia.