Foru Aldundiak onetsi egin du Araban pinu-beldarraren izurria dagoela. Horri aurre egiteko, Foru erakundeko Baso Zaindaritza zerbitzuak jakinarazi du, eguraldi ona egiten badu, aste honetan egingo dutela pinu-beldarrari aurre egiteko helikoptero bidezko aireko tratamendua Amurrion. Tratamendua bacillusean oinarritutako intsektizida mikrobiologikoen bidez egingo da; hau da, ingurumenarentzat kaltegarria den produktu kimikorik erabili gabe
103 hektarea
Amurrion, Radiata pinudun sailetako 103 hektarea tratatuko dira zehazki. Lau gune lokalizatu dira: bat Amurrio eta Lezamako Administrazio Batzarraren artean, beste bat Amurrioko Kastainotxubieta eta Bostarratxeta barrutietan, beste bat San Antonen eta azkena Lezamako Administrazio Batzarreko Las Minasen.
Oreka ekologikoan eraginik ez
Tratamendua biologikoa da, eta ingestio bidez jarduten du: larbek produktua irentsi bezain laster elikatzeari uzten diote, hil arte. Fauna onuragarria errespetatzen du, ez du oreka ekologikoa asaldatzen eta ez die ez pertsonei ez lurreko eta uretako animaliei kalterik eragiten. Ez du hondakinik uzten tratatutako laboreetan.
Aurreikusitakoaren arabera, Araban tratatu beharreko azalera 800 hektareakoa da, gutxi gorabehera. Hektarea horien %80 kantauriar isurialdean dago, kaltetutako Radiata pinuzko baso-masetan.