Irene Novales ordezkari sozialista omenduko dute Amurrion hurrengo apirilaren 6an (osteguna). Reforreko entzunaretoan izango da zita 18:00etan eta "Emakumea eta politika" mahai-ingurua gauzatuko dute zinegotzi ohiaren omenez.
Estibaliz Ruiz de Azuak zuzenduko du solasaldia eta ondorengo pertsonek hartuko dute hitza: Natividad Lopez de Muniain EAJko kidea, Ainhoa Beola EH Bilduko militantea, Cristina Gonzalez Arabako Diputatu sozialista, Carmen Lopez de Ocariz PPko ordezkaria, Laura Perez Podemoseko bozeramailea eta Eva Martinez Plazandreok taldeko kidea.
Irene Novalesen bizitza
Irene Novales amurrioarrak Euskadiko Ezkerra alderdian hasi zuen ibilbidea politikan. Geroago PSE-EEren ordezkaria izan zen Eusko Legebiltzarrean eta Amurrioko Udalean.
Hori ez ezik, Aurreraka emakume elkartearen sortzailea izan zen eta protagonismoa ere izan zuen Bosniako errefuxiatuei harrera egiten Amurrion.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
