Maiatzaren 24an egingo dute kanpo ebaluazio diagnostikoa Zaraoben

Txabi Alvarado Bañares 2017ko maiatzaren 18a
Deskargatu Info Ahotsak :

Errbaliden aurka eginiko mobilizazio baten artxibo irudia. / aiaraldea.eus

Proba horri planto egingo diotela adierazi dute ikasle eragileek. Eskualdeko mobilizazioa deitu dute gaurko (maiatzak 18), 18:00etan Amurrioko Juan Urrutia plazan.

Hezkuntza Sailak Zaraobe Institutuan egin nahi duen “kanpo ebaluazio diagnostikoak” badu data zehaztuta: maiatzaren 24an egingo dute, datorren asteazkenean.  Jaurlaritzatik adierazi dute proba hori ez dela errebalida bat izango eta ez duela inolako eraginik izango emaitza akademikoetan. Baina hori hala ez dela salatu dute hezkuntza eragileek, eta azterketari planto egiteko deia zabaldu dute.

Planto egiteko deia
Eskualdeko mobilizazioa deitu du gaurko (maiatzak 18) Ikasle Abertzaleak erakundeak. 18:00etan izango da hitzordua Amurrioko Juan Urrutia plazan. Maiatzaren 24an ere mobilizatzeko asmoa dutela adierazi dute. “Oraindik ez dakigu zer ordutan egingo den azterketa Zaraoben, baina jakin bezain laster mobilizazioa deituko dugu, azterketari planto egiteko”.

Zaraobeko ikasleak ez dira proba horri aurre egiteko antolatzen ari diren bakarrak. Gasteizko zenbait ikastetxetan planto egin diote jada azterketari.

Hezkuntza Amurrio
Erlazionatuak
“Kanpo ebaluazio diagnostikoa” egingo du Eusko Jaurlaritzak Zaraobe Institutuan
“Kanpo ebaluazio diagnostikoa” egingo du Eusko Jaurlaritzak Zaraobe Institutuan

Txabi Alvarado Bañares 2017 mai 05 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide