Bihar egingo da Amurrion Arabako Basogintza Elkartearen Batzar Nagusia. 2016ko balantze ekonomikoaren aurkezpena eta aurtengo aurrekontuaren onarpena dira eztabaidatuko dituzten aferetako bi. Aurtengo proiektu eta jarduerak ere izango dituzte hizpide.
1986ko ekainean sortu zen elkartea, eta 495 bazkide ditu gaur egun, Amurrioko Udala tartean. Arabako basoen % 40a kontrolatzen dute bazkide horiek, 13.022 hektarea baino gehiago. Amurrion dago elkartearen egoitza nagusia. Baso-jabe arabarrei euren lurrak kudeatzeko laguntza eta aholkularitza eskaintzen ditu elkarteak.
Erronkak
Iaz abiatutako erronka garatzen jarraituko du elkarteak aurten: Arabako basoek Baso Kudeaketa Iraunkorraren Europako Ziurtagiria (PEFC) eskuratzea, ziurtatzeko “iraunkortasun-irizpideen arabera” kudeatzen direla.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
_tokikom_300x300.JPG){kind=small}
