Arabako Fiskaltzak urtebeteko kartzela zigorra eskatu du 86 urteko gizon batentzat, zaborrontzi batera sei txakurkume jaioberri bota zituelakoan. 2017ko martxoaren 7an jazo zen gertaera eta sei txakurkumeetatik lau hil egin ziren. Fiskaltzak argudiatu du gizonezkoaren xedea animalien heriotza eragitea zela, “horrek eragingo zien sufrimendu fisikoaz jakitun”.
Beste bi gauza eskatu ditu baita fiskaltzak: akusatuari animaliak izateko eskubidea kentzea hiru urtez eta 989 euroko isuna ezartzea. Amurrioko Udalari eman beharko lioke akusatuak diru hori, txakurkumeak jaso eta Gasteizko animalien babeserako zentro batera eramateagatik. Epaiketa aste honetan egingo da Gasteizen.
Kasu gehiago eskualdean
Lekamañakoa ez da eskualdean gertatu den animalien abandonu kasu bakarra. Iragan abenduan zortzi txakurkume aurkitu zituzten Urduñan, antzeko egoeran utzita. Baina kasu horretan ez dute abandonuaren erantzulea nor izan den jakiterik izan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
