Daroca espetxera dispertsatu dute Alfredo Remirez

Erredakzioa 2018ko ots. 24a, 20:06

Alfredo Remirez, Amurrion bere alde eginiko manifestazioan. / Aiaraldea.eus

Erreharria Libre plataformak zabaldutako informazioaren arabera ostiral goizean mugitu zuten Basauriko espetxetik Alfredo Remirez. Gaua Zuerako (Zaragoza) espetxean igaro ostean Daroca espetxera dispertsatu dute azkenean. Gaur goizean senideekin hitz egiteko aukera izan du.

Ostiralean jakin zuten Alfredo Remirez preso amurrioarra kartzelaz aldatuko zutela. Gaua Zuerako espetxean igaro ostean Zaragozako Daroca espetxera mugitu dute azkenean. Remirezek senideekin hitz egiteko aukera izan du goizean, ondo dagoela jakinarazi die. Hala azaldu du Erreharria Libre plataformak sare sozialetan:

[2018/02/24]
Gaur goizean familiarekin telefonoz hitz egitea lortu du Alfredok.

Darokako espetxera bidali dute. Atzoko gaua Zueran pasa zuen eta ondo dagoela esan digu.#DispertsioaSalatzeagatikDISPERTSATUA pic.twitter.com/eGiKeup1oD
— #allFREEdom (@ErreHarriaLIBRE) 2018(e)ko otsailak 24

Azaroan espetxeratu zuten urtebeteko zigorra betetzeko Basauriko kartzelan, Amurrioko txupinazoan preso baten panpina balkoira ateratzegatik. Berriki, baina, Julen Ibarrola amurrioarra kartzelaratu dute toki berean, errotuladorezko pintaketa batekin terrorismoa goratzea egotzita. Orain arte biek konpartitu dute zelda. Erreharria Libre plataformak adierazi duenez, informazioa eskuratu ahala emango dituzte xehetasun gehiago.

Politika Amurrio

Erlazionatuak

[ANALISIA] Eskualdeko gazteen lepoetan estutu dute adierazpen askatasunaren soka

Aitor Aspuru Saez 2018 ots 08 Aiaraldea

1.700 lagunek eman diote babesa Alfredo Remirezi "Azkena izan dadila" manifestazioan

Izar Mendiguren Cosgaya 2017 aza 04 Amurrio

Alfredo Remirez agertzen da ARCOk zentsuratutako preso politikoei buruzko erakusketan

Txabi Alvarado Bañares 2018 ots 22 Amurrio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide