Trapagako Productos Tubulares eta Amurrioko Tubos Reunidos enpresetako langileek bat egingo dute bihar

Erredakzioa 2018ko martxoaren 20a

Productos Tubulares enpresako langileen protesta. / Ainara San Cristobal

Amurrioko Tubos Reunidos enpresako zubian elkartuko dira langileak protesta egiteko. Izan ere, Trapagako Productos Tubulares lantegian hainbat langile kaleratzeko eta lan baldintzak okertzeko asmoa dauka zuzendaritzak.

Amurrioko Tubos Reunidos enpresako ekoizpena gelditzeko deia egin dute biharko, Trapagako kideen ekimenari jarraiki. Sindikatu gehienek -ELAk, LABek, CCOOk eta UGTk- babestu dute lanuztea eta soilik VTR agertu da aurka.

Langile batzordeak eskatuko die beharginei 11:30etatik 13:00ak arte lantegiko zubian bat egitea Trapagako Productos Tubulares faktoriako langileekin; eurak 11:00etatik 14:00ak arte egongo dira han.

Trapagan greban
Berez, martxoaren 8an greba mugagabea abiatu zuten Bizkaian enpresa talde bereko beharginek, zuzendaritzak iragarri baitie hainbat pertsona kaleratuko dituela eta lan baldintzek okerrera joko dutela.

Pasa den astean enpresako ordezkariek eman behar zioten plan osoa sindikatuei, baina atzeratu egin dute. Horretarako aitzakia izan da Donald Trump Estatu Batuetako presidentearen asmoa zergak ezartzeko altzairuari dagokionez.

Ekonomia Amurrio

Erlazionatuak

Tubos Reunidoseko sindikatuak parte hartzen ari dira Trapagako kaleratzeen aurkako mobilizazioetan

Erredakzioa 2018 mar 09 Amurrio

Tubos Reunidos enpresak enplegua erregulatzeko espedientea aurkeztu du Trapagan

Erredakzioa 2016 ots 25 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide