aiaraldea.eus

Enplegu-erregulazioko espedientea abiatuko dute Tubos Reunidos enpresan

Erabiltzailearen aurpegia Aitor Aspuru Saez   Ekonomia  Amurrio

Enpresako zuzendaritzak eskatu die langile ordezkariei gaur bertan negoziazio mahairako kideak hautatzeko.

Enplegu-erregulazioko espedientea abiatuko dute Tubos Reunidos enpresan
Tubos Reunidos enpresako akziodunak. / Aiaraldea.eus | Ikusi handiago | Argazki originala

Tubos Reunidos taldean erabakiak eta neurriak azkartzen ari dira Guillermo Ulaciak zuzendaritza utzi ostean.

Izan ere, gaur bertan iragarri diete arduradun berriek langile ordezkariei enplegua erregulatzeko espedientea abiatuko dutela. Horrek esan nahi du beharginak etxera zenbait egunetarako bidaliko dituztela.

Hala eta guztiz ere, sindikatuek ez dakite zein den enpresaren asmoa. Hau da, ez dakite zenbat iraungo duen espedienteak ezta zenbat langileri eragingo dien.

Zuzendaritzaren egitasmoa Guillermo Ulaciaren dimisioak sortutako zurrunbiloaren erdian gertatu da. Berez, azken astean enpresaren akzioen %35eko balioaren galera jazo da, eta horri gehitu behar zaio zorra ordaintzeko gaitasun eza aitortu duela zuzendaritzak. Horrez gain, Trumpen zergek zalantzan jarri dute negozio eredua.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa