Kepa Gonzalez izango da berriz Orain Amurrioren alkategaia datorren urteko maiatzean egingo diren udal-hauteskundeetan. Talde politikoak duela zenbait hilabete hasi zuen afiliatuen eta gertukoen iritziak jasotzeko kontsulta. “Emaitza ezin da positiboagoa izan, gehiengoa lerrokatu delako duela lau urte abiatu genuen udal proiektuari jarraipena ematearen alde”.
Jende gaztea
Gonzalezekin batera beste hainbat pertsona egongo dira hautagai gisa. Horrez gain, Orain Amurrioko kideek nabarmendu dute “oso ilusionatuta” daudela jende gaztea batu delako proiektura. “Datozen hilabeteetan garatuko dugu gure programa, duela lau urte sortu genuenetik eta lege-agintaldi honetan egindako lanetik abiatuko dena”.
Talde politikoko militanteek uste dute Amurrioko gaur egungo egituraketa instituzionaleko “funtsezko zatia” direla. “Hazten jarraitu nahi dugu EAJren gobernuarekiko alternatiba izateko”.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
