Orain Amurrio: "Gure programa beste alderdien gabeziak ekiditeko da"

Atzo egin zuen Orain Amurriok hauteskundeetako ekitaldia. 4 urteko balantzea eta datorren lege-agintaldirako euren proiektuak aurkeztu zituzten, besteak beste.

Atzo iluntzean egin zuen Orain Amurriok hauteskundeetako ekitaldia, Katekesi aretoan. Kepa Gonzalez alkategaiak, Xabi Vivancok eta Laura Harillok hartu zuten parte agerraldian.

Azken lau urteetako kudeaketa politikoaren balantzea egin zuten batetik. Xabi Vivanco Orain Amurrioko hautagaiak alderdien jokoa kritikatu zuen: "PSE-EEren makuilu den EAJren eskumako politikari aurre egiteko aurkeztu gara. Dena ez dago salgai, EAJk egiten duen bezala -dena pribatizatzen baitu-, ez dute jendearengan sinisten". EH Bilduri, berriz, "zabarkeria eta gaitasun eza" leporatu zioten, "zerbitzu sozialetan hartutako jarreragatik". "Gure programa gabezia guzti horiek ekiditeko da". 

Kepa Gonzalez zerrendaburuak, berriz, programa izan zuen hizpide. Orain Amurrioren ustez, enplegua da egun herriko arazo nagusia, "ekonomia sozialean inbertitu behar da". Etxebizitza problematikari dagokionez, alokairu sozialen beharra azaleratu zuen alkategaiak, energiaren kontsumoan sakontzeko konpromisoarekin batera: "Gaur egun %1 da energia propioa. Inbertsioak argiaren faktura merketuko luke".

Gazteen eta edadetuen beharrak ere islatu dituzte euren proiektuan, "erreferentziazko zentroa" sortzeko asmoarekin. Gaztelekuaren itxiera jarri zuten ekitaldian gabeziaren adibidetzat: "12-18 urte artekoentzat ez dago azpiegitura, kultur ez aisialdi proposamenik". Bestalde, euskararen normalizazio eta sozializazioaren alde lan egingo dutela esan zuen Gonzalezek, Aiaraldeko Euskalgintza Kontseiluaren kanpainari jarraiki: "Hala ere, diru publikoa iniziatiba publikoetara bideratu behar da, ez ekimen pribatuetara".

Finean, herritarrei Orain Amurrioren programa irakurtzeko gonbita luzatu zieten: "Beste munizipalismo bat zilegia da". 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide