aiaraldea.eus

EAJ garaile Amurrioko udal hauteskundeetan hirugarren aldiz jarraian

Erabiltzailearen aurpegia Erredakzioa   Politika  Amurrio

EAJk 8 zinegotzi eskuratu ditu, EH Bilduk 7 eta Orain Amurriok zein PSE-EEk bana. Udalbatzatik kanpo geratu dira PP eta Amurrio Guk Bai plataforma.

EAJ garaile Amurrioko udal hauteskundeetan hirugarren aldiz jarraian
Josune Irabienen zerrendak jaso du bozka gehien. / Argia | Ikusi handiago | Argazki originala

Josune Irabien buru duen EAJren zerrendak 8 zinegotzi eskuratu ditu, EH Bilduk 7 eta Orain Amurriok zein PSE-EEk bana. Udalbatzatik kanpo geratu dira PP eta Amurrio Guk Bai plataforma.

Alderdi jeltzaleak 2.413 herritarren babesa lortu du (botoen %42,12), 2,2 puntu egin ditu gora 2015eko hauteskundeetatik, eta zinegotzi bat egin du gora. Bigarren zerrenda bozkatuena Iñaki Ibarluzea buru izan duen EH Bildu izan da, 1.990 botorekin (%34.74). Gorakada nabarmena izan du koalizaio abertzaleak, 502 herritarren botoa jaso du, 7 puntu gora egin, eta bi zinegotzi gehiago bildu ditu. PSE-EEk 484 boto eskuratu ditu (%8.45). Orain Amurrio izan da beherakada handiena izan duen taldea, 297 boto lortu ditu (%5.18), baina 441 babes galdu ditu. Ondorioz, zinegotzi bat gutxiago izango du.

Udalbatzatik kanpo geratu dira PP eta Amurrio Guk Bai taldea. Montse Canive buru duen alderdi popularrak 242 boto bildu ditu (%4.22), eta 180 Guk Bai taldeak (%3.14). VOX alderdi ultraeskuindarrak 60 boto jaso ditu Amurrion, boto guztien %1.05.

 

Zinegotzien zerrenda berria
Ondorioz, ondorengo zinegotziek osatuko dute Amurrioko Udala:

  1. JOSUNE IRABIEN MARIGORTA  (EAJ/PNV)

  2. TXERRA MOLINUEVO LAÑA  (EAJ/PNV)

  3. ESTIBALIZ SASIAIN FURUNDARENA  (EAJ/PNV)

  4. ALBERTO ARTETXE VICENTE  (EAJ/PNV)

  5. EDUARDO SARATXAGA ISASI  (EAJ/PNV)

  6. NURIA LOPEZ LUMBRERAS  (EAJ/PNV)

  7. JUAN CRUZ APODACA SOJO  (EAJ/PNV)

  8. IXONE SARATXAGA IBARRETXE (Independentea - EAJ/PNV)  

  9. IÑAKI IBARLUZEA ORTUETA  (EH Bildu)

  10. GARAZI DORRONSORO GARATE  (EH Bildu)

  11. LUIS MARIANO ALAVA ZORRILLA  (EH Bildu)

  12. IRAIDE ORTIZ SAN VICENTE  (EH Bildu)

  13. JON BERGANZA URRUELA  (EH Bildu)

  14. IRUNE ITURBE ERRASTI  (EH Bildu)

  15. MAITANE SALUTREGUI GARDEAZABAL  (EH Bildu)

  16. DAVID ROMERO CAMPOS (PSE-EE)

  17. KEPA GONZALEZ GARCIA (Orain Amurrio)

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa