aiaraldea.eus

Bi padel pista eta 350 metro koadroko areto bat eraikiko dituzte Bañueta kiroldegian, esleipena eginda

Erabiltzailearen aurpegia Julen Solaun   Kirola  Amurrio

Guztira, 600.000 euroko inbertsioa egingo dute datozen hiru urteetan obrak aurrera eraman ahal izateko. Baiko Eragin eta Taldesport Servicios Deportivos enpresei esleitu diete azpiegituraren kudeaketa. 

Bi padel pista eta 350 metro koadroko areto bat eraikiko dituzte Bañueta kiroldegian, esleipena eginda
Enpresen eta udalaren arteko kontratua sinatu zen unea. / Amurrioko Udala | Ikusi handiago | Argazki originala

Bi padel pista eta 350 metro koadroko fitness eta entrenamendu funtzionalerako aretoa eraikiko dituzte Bañueta kirolgunean datozen 3 urteetan, Udalak prentsa ohar batean azaldu duenaren arabera. 600.000 euro balioko dute lanek. Horretaz aparte, eraikinaren energia eraginkortasuna hobetuko dute, fitness makinak berriztatuko dira, eta elkartzeko gela eraikiko da kiroldegiko sarreran.

Berrikuntza hauek Baiko Eraginekin eta Taldesport Servicios Deportivosekin 10 urtetarako sinatu berri duten kontratuaren testuinguruan kokatzen dira. Azpiegitura gastuetarako udalak 484.950 euroko ordainketak egingo ditu, hamarkadan zehar banatuta.

Dena dela, kontratu hau beste bost urtez luzatzeko aukera izango du instituzioak, eta “instalazioak eta zerbitzuak” garatzeaz eta berritzeaz gain, “hobetu beharreko arloak” aztertzea ere aurreikusi dute.

Bide luzea
Aurreikusi baino gehiago luzatu da kiroldegiaren kudekaeta esleitzearen prozedura. Lehen bi lehiaketak hutsik geratu ziren. Horrez gain, Orain Amurrio taldeak bahin baino gehiagotan kritikatu du zerbitzua enpresa pribatu baten esku uztea.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa