Musikal bat taularatuko dute Amaurreko ikasleek Amurrio Antzokian

Amaurre ikastetxeko ikasleak, aldaketa klimatikoaren aurka eginiko mobilizazio batean. / Amaurre Ikastetxea

Datorren asteartean izango da emanaldia, 15:30ean. Herritar guztiei luzatu diete bertaratzeko gonbita. Euskara, gaztelera eta ingelesa nahastuko dituzte ikuskizunean. 

Ekitaldi berezi batekin agurtuko dute urtea Amaurreko kideek. Musikal bat taularatuko dute ikastetxe horretako ikasleek Amurrio Antzokian. Datorren asteko asteartean -abenduak 17- izango da emanaldia, 15:30ean.

Annie, musikala izango da antzeztuko duten obra. New Yorkeko umezurtz-etxe batean bizi den neska baten gabonetako bizipenak antzeztuko dituzte Amaurreko ikasleek.

6 eta 12 urte bitarteko ikasleak arituko dira oholtza gainean, “ilusio eta ahalegin handiz” prestatutako emanaldia eskaintzen. Aurreratu dutenez, euskara, gaztelania eta ingelesa baliatuko dituzte musikalean, “eskolaren hizkuntzen tratamendua indartuz”. Era berean, ikasleei irakasten dizkieten baloreak izango ditu hizpide antzezlanak.

Urte berezia
Aurtengoa “urte berezia” izan da Amaurreko kideentzat, prentsa oharrean azaldu dutenez. Eskolaren izena aldatu eta “hezkuntza proiektu berritu bati” ekin diote. “Gabonak, bestalde, beti izaten dira ospakizun bereziak, baina aurtengoak Amaurren, eta Amurrion ere, ahaztezinak izango dira”, ziurtatu dute.

 

Erlazionatuak

Virgen Niña ikastetxea “Amaurre” deituko da hemendik aurrera eta D ereduan murgilduko da

Amurrio

Aldaketa ez da izenera mugatuko, prozesu sakona burutzen ari baitira ikastetxean, “baloreetan hazten” jarraitzeko.
Amaurre Ikastetxeko gazteak kalera atera dira klima aldaketa salatzeko

Amurrio

Gaur eguerdian Amurrioko Udaletxearen aurrean elkartu dira Amaurre Ikastetxeko hainbat gazte aldaketa klimatikoaren aurkako mobilizazioekin bat egi...
Amaurrek hezkuntza berrikuntzaren arloko aitorpena jaso du

Amurrio

Amurrioko Amaurre Ikastetxeak hezkuntza berrikuntzaren arloko saria eskuratu du Madrilgo Simo hezkuntza azokan. Ohar batean azaldu dutenez, 9 eta 1...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide