Bi pertsona zauritu dira gaur Amurrion gertatutako trafiko istripuan. Goizeko hamaikak aldera jazo da ezbeharra, A-624 errepidean, Artziniegako norabidean. Auto bat bidetik atera da, eta ibilgailuaren barruan zihoazen bi pertsonek kolpea jaso dute. Larrialdi zerbitzuak bertaratu dira, eta Galdakaoko ospitalera eraman dituzte zaurituak.
Hala ere, ez dirudi kalte larria izan denik, Ertzaintzak Aiaraldea Hedabideari azaldu dionez. Trafikoan ere ez du aparteko eraginik izan, ibilgailuaren bidetik atera delako.
Hiru istripu astebetean
Azken astean hiru trafiko istripu gertatu dira gutxienez eskualdean. Larriena ostiralean jazo zen, Arakaldon. Bi autok elkarren artean talka egin zuten eta horietako batek sua hartu zuen. Bi egun lehenago beste ezbehar bat egon zen Garateko gainean, baina ez zen zauriturik egon.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
