TUBACEX GREBAN

Grebalari bat atxilotu eta beste hainbat zauritu ditu Ertzaintzak epaitegi aurrean egindako protestan

Gaur deklaratu behar zuten martxoaren 25eko piketean parte hartzeagatik ikertutako herritarrek eta epaitegiaren aurrean elkartasun protesta egin dute grebalariek. Ertzaintza bi aldiz oldartu da. Langile bat atxilotu dute eta anbulatoriora eraman behar izan dute.

Tubacex enpresako langilea atxilotu du Ertzaintzak Amurrioko epaitegiaren aurrean. Gaur zeuden deituak deklaratzera 3 lagun martxoaren 25eko piketean parte hartzeagatik eta grebalariek elkartasun elkarretaratzea antolatu dute.

Testuinguru horretan, Ertzaintzak adierazi die langileei ezin zirela eraikinaren aurreko espaloian egon eta grebalariek ez dietenez kasu egin, maiatzean toki berean egindako protestan trabarik jarri ez zietelako. Gauzak hala, Brigada Mugikorra deitu dute agenteek.

Brigada Mugikorra bi aldiz oldartu da protestaren kontra borrak erabilita eta, gainera, langile bat atxilotu du. Epaitegiaren eremuaren barruan izan dute poliziek atxilotutako behargina, Laudiora eraman duten arte.

Hori baino lehen, hirugarrenez oldartu da polizia grebalarien kontra. Atxilotuak kolpeak jaso izan dituenez, anbulatorioan artatu behar izan dute. Arratsaldean geratu da aske. Autoritatearen kontrako atentatua leporatu diote.

Beste hainbat behargin zaurituak izan dira Ertzaintzaren kolpeen ondorioz, eta askok anbulategira jo behar izan dute.

Erlazionatuak

"Jarri didaten salaketarekin mezu bat zabaldu nahi dute: Tubacexeko grebalariak babesteak ondorio negatiboak dituela"

Laudio

PAULA GONZALEZ BUJANek (Urduña, 1995) ekainaren 17an deklaratuko du Amurrioko epaitegian beste bi gazterekin batera, Ertzaintzak salatu duel...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide