Ipar-martxako Espainiako kopako liderra da Izaskun Bengoa, Gasteizen garaipena eskuratu ostean

Izaskun Bengoa Gasteizko podiumean, iragan uztailaren 4an. / I.B.

Euskadiko eta Arabako txapeldun ere izendatu zuten kirolari amurrioarra igandeko frogan.

Abiada bizian hasi du Izaskun Bengoa amurrioarrak ipar-martxako Espainiako kopa. Iragan igandean -uztailak 4- kopako lehenengo lasterketa jokatu zen Gasteizen.

Kirolariek 14 kilometroko ibilbidea osatu behar izan zuten Olarizuko parkean barrena. Bengoaren garaipenak lider jarri du kopako sailkapen nagusian.

Behin baino gehiagotan igo behar izan zen Izaskun Bengoa igandean Gasteizko podiumaren postu gorenera, izan ere, Arabako eta Euskadiko txapelak ere irabazi zituen. Hain zuzen ere, Euskal Mendizale Federazioak bere barruan jaso du aurten ipar-martxa lehendabiziko aldiz, eta bultzada handia ari da jasotzen. "Igandekoa Euskadiko Txapelketaren lehenengo edizioa izan zen, hori aurrerapauso handia da kirolarentzat" adierazi du Izaskun Bengoak

Bengoak Espainiako Kopako beste hiru froga ditu aurretik: Azagran, Valladoliden eta Sevillan. Horretaz gain beste lau lasterketetan parte-hartzea aurreikusi du urtea amaitu aurretik, horietako bat da urriaren 24an jokatuko den Kluben Txapelketa.

"Oso motibatuta nago aurrean ditudan erronkei heltzeko" adierazi du kirolariak, "entrenatzea eta teknika hobetzea dagokit, lasterketaz lasterketa nire maila igotzen joateko".

Denboraldiak luze joko duen arren, lorpen ugari lortu ditu dagoeneko Izaskun Bengoak. Ekainaren 6an Espainiako txapeldunorde izan zen, Coruñan jokatutako Ipar-martxaren Espainiako Txapelketan

Erlazionatuak

“Kirol hau ezagutu nuen lehen momentutik jakin nuen nire pasio bilakatuko zela”

Amurrio

IZASKUN BENGOA PEREZ (Amurrio, 1977) duela bi urte hasi zen ipar-martxa praktikatzen baina ibilbide luzea egin du kirol honetan dagoeneko: enpresa ...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide