Tubacexeko langileak izan dira Amurrioko jai-herrikoien txupinazoa jaurtitzeko ardura izan dutenak. Jai herrikoien aldeko batzordeak galdeketa irekia antolatu zuen sare sozialen bidez aurtengo jaien edizio bereziko txupinero eta pregoilaria nor izan behar zen ebazteko.
Tubacexeko langileek lortu zuten bozka gehien eta eurena izan da jai herrikoien egitarauari hasiera ematearen erantzukizuna. Oholtza gainean, ordea, ez dira bakarrik egon, Zabaleko eta Mendiko eskoletako ordezkariak eta SOS Ostalaritza plataformako kideak ere gonbidatu baitituzte.
Egitarau zabala aurretik
Hiru eguneko egitarau oparoa abiatu du Jai Herrikoien Aldeko Batzordeak lehen suziriaren lehertzearekin batera. Jai-eredu parte-hartzailea bultzatzea helburu, hainbat jarduera egingo dituzte asteburuan zehar, adin guztientzako ekintzak uztartuz. Hemen kontsultatu daiteke egitaraua osorik.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide